Kr 53.000,- motteke frå sponsor, prof. em. Robert «Bob» Jaeger

Bob, saman med sin partnar Kaaren (1/4 norsk), ba i slutten av oktober i fjor om å få gjeste W-huset. Dette er utanom sesongen, men vår styreleiar Eli stilte velvillig opp som guide. Bob underviste filosofi på Yale på 70-talet, og hadde hatt ein langvarig draum om Skjolden.

Bob og Kaaren vart fasinerte over å sjå W-huset og over å få kjennskap til stiftinga og deira idealistiske arbeid. Dette resulterte i at han gjerne ville fylgje oss og våre tiltak vidare med støtte. Han ba om ein oversikt over økonomiske behov og han fekk ei liste med budsjett for 6 ulike prosjekt me har på gang.

Dette resulterte i den generøse sponsinga. Med sin uttalte interesse for også vårt vidare arbeid har me etablert ein tett og god konstruktiv dialog med Bob, svært inspirerande for framtida.